拍拖|18歲兒子拍拖1個月由喜轉憂 港媽:個女仔要他送手機手袋食Omakase
發布時間: 2024/08/14 11:19
▲ 《香港愛情故事》劇照
女友的十八歲兒子開始拍拖了,她和丈夫都是開明的父母,不僅沒有反對,她說是開心也來不切呢!因為他們只有兩名兒子,現在賺回一女兒,多麼的高興啊!
可是,女友卻掩不住憂心忡忡的神情:「唉,阿仔同女友第一次約會係去麥記。」那是正常不過喎,有何憂心之理?「但係第二次約會,女仔就話要食壽司嘞!」哦,那是普通過普通吧!年輕人都愛光顧壽司郎呢!「唔係平價壽司呀,個女仔要食二千多元一位嘅Omakase呀!」女友咆哮。
我為之一怔,聽說這對年輕人相識才不出一個月。「咁咪係囉,識唔夠一個月,個女仔就話要阿仔送佢新手機、名貴包包、昂貴飾物囉!」女生態度如此急進,又當真有收兵之嫌,難怪父母會擔心兒子碰上騙子。
我突然想起那個雷同的故事,那位大媽在街市搭上年長三十歲的阿伯,他倆相識一個月就火速結婚了。大媽隨即要求丈夫打本她一百萬做生意,整件事觸動了全城人的神經綫。
大媽卻理所當然的說:「我老公嘅錢即係我嘅錢,關你哋乜嘢事呀!」網民再追查大媽過去的網上言論,原來她是這樣教育她的粉絲的:「搵老公一定要搵個有錢嘅,老公嘅錢即係我嘅錢,我嘅錢就係我自己嘅錢。切記,若果老公有難,切勿花錢幫佢……」
我對該等言論為之側目,因為我輩女性從小孩受的教育是大相逕庭的:「女人要經濟獨立,努力學習,爭取發揮機會,靠自己能力賺錢,為社會發光發熱……!」至今我們仍引以為豪呢!
同場加推:男人容易戴綠帽的5大特徵
![](https://static04.hket.com/res/v3/image/content/3805000/3808907/greenhat_1_cover_600.png)
![](https://static04.hket.com/res/v3/image/content/3805000/3808907/greenhat_2_600.png)
![](https://static04.hket.com/res/v3/image/content/3805000/3808907/greenhat_3_600.png)
![](https://static04.hket.com/res/v3/image/content/3805000/3808907/greenhat_4_600.png)
![](https://static04.hket.com/res/v3/image/content/3805000/3808907/greenhat_5_600.png)
![](https://static04.hket.com/res/v3/image/content/3805000/3808907/greenhat_6_600.png)
下載HKET App,追蹤TOPick WhatsApp頻道,睇全方位資訊:
撰文 : 鄧藹霖